O 31 de xullo regresamos ao pasado

É o día da nosa cita convosco para rememorar como vivían os comerciantes e visitantes unha intensa xornada de feira a principios do século pasado. Anotade a data no voso calendario!

Onde nos atoparedes?

No pobo de Curtis. O mercado instalarase ao longo de toda a Avenida Principal -que foi ata 1934 a única vía do pobo- e tamén nas rúas contiguas, incluíndo a Carballeira.

Ambientación

Manteremos o encanto do pobo os días de feira de hai un século ambientando as rúas, postos e comercios. E claro, vestirémonos como outrora, e convidámosvos a que tamén o fagades vós.

Os horarios

Ás 10.30 horas estaremos en movimento e os postos pecharán ás 20.00 horas. 

Que descubriredes?
Postos de produtos artesáns e típicos da terra, xogos populares, pasarúas, talleres de distintos oficios e obradoiros de alimentación, a mellor gastronomía, música, baile e exposicións.
Protocolo COVID-19

O evento contará con todas as medidas e protocolos ante a COVID-19. Aberta a posibilidade de suspensión do evento se se produce un aumento de incidencia no municipio nos días previos á súa realización.