Sexan benvidos a 'Curtis na Lembranza, as feiras de 1900'
Amamos os mercados.
O de Curtis do século XXI é herdeiro das feiras de hai un século,
que se instalaban ao redor da estación de ferrocarril, inaugurada en 1883, e que axudou ao crecemento e á dinamización deste pobo.
Esta feira é e foi
xeradora de vida social e económica,
pero tamén punto de confluencia de necesidades e de costumes. É e foi lugar de afectos, que converten aos curtienses
nos mellores anfitrións, amables e acolledores.
En Curtis queremos lembrar e homenaxear a nosa historia, a das feiras, a dos aromas, a do bulicio, a das voces de vendedores e compradores, a dos tratantes e a dos animais expostos... A nosa mellor tradición.
Convidámoslle a revivir connosco estas sensacións.
Coñécenos mellor
Os 29 e 30 de xullo regresamos ao pasado
Son os días da nosa cita convosco para rememorar como vivían os comerciantes e visitantes unha intensa xornada de feira a principios do século pasado. Anotade as datas no voso calendario!
Onde nos atoparedes?
No pobo de Curtis. O mercado instalarase ao longo de toda a Avenida Principal -que foi ata 1934 a única vía do pobo- e tamén nas rúas contiguas, incluíndo a Carballeira.
Ambientación
Manteremos o encanto do pobo os días de feira de hai un século ambientando as rúas, postos e comercios. E claro, vestirémonos como outrora, e convidámosvos a que tamén o fagades vós.
Os horarios
Ás 12:00 horas estaremos en movemento e haberá moita troula!
Que descubriredes?
Actualidade
Curtis celebrará os días 29 e 30 de xullo a VII edición da Feira de 1900
Curtis voltará a 1900 coa celebración da VII edición de Curtis na lembranza-As feira de 1900 os vindeiros 29 e… Ler máis
SEGUNDO ANO DOS «PREMIOS GRAZAS»
Por segundo ano consecutivo, promovemos os premios «GRAZAS» para agradecer o esforzo e colaboración dos asistentes e veciños/as. A… Ler máis
Leirabuxo e Odaiko actuarán na “Feira de 1900 – O Reencontro”
Os grupos musicais Leirabuxo e Odaiko actuarán nesta edición especial “O Reencontro” de “Curtis na lembranza- As feiras de 1900”… Ler máis